UNKI YAAD KAYSE JAAYEGI
Is jeewan mein teer chalaaiye ya phir talwaar chalaayiye
Jeena ho khushi se toh apne dil mein bas pyar jataayiye
Shaayar nahin koi fankaar bhi nahin hamko koi chaahiye
Ghar na koi darbaar nahin bas unka ek deedaar chahiye
Na koi takht na taaj dena hamko unka sahara chahiye
Aasaan nahi hai yeh jeena hamko raahe pyaar chahiye
Meri jindagi ab maut ki amaanat hai bas chalte rahiye
Jab tak jeena hai jiwo par jindgi ko sambhaal ke rakhiye
Jab din hota hai toh raat bhi hogi jara theek se dekhiye
Mat ho udaas kabhi phir se sunhari subhah ko dekhiye
Jab itna pyaar kiya hai unse mohabbat ka maan rakhiye
Agar jindagi rahi toh phir kahin unse mulakaat keejiye
Gahre saagar mein agar door ho kinaara tayrte rahiye
Unki yaaden toh saath hain unko sambhaal ke rakhiye
Chaahe na ho baat ya mulakaat sirf yehi yaad rakhiye
Sapne mein aaye wo toh ek baar muskura ke dekhiye
Ab wo hi nahin saath tere toh is jindagi ko kya keejiye
Tanhaai ka silsila rah gaya hai ab unko hi yaad keejiye
Har kadam pe unko pyar karna yeh baat maan leejiye
Akela rahe toh marr jaawoge bas unke saath ho leejiye
Unke judaai ka gam na kar jindagi se samjhauta keejiye
Wo rahe ya na rahen yahan unse pyar kam nahi keejiye
Jab pyar kiya hai toh Har pal unke aane ki raah dekhiye
Pyaas toh hogi har waqt unse milne ki yeh yaad rakhiye
Agar wo phirse miljaaye kisi modd pe unke paas jaayiye
Unko galea se laga kar ek bar unko pyar se choom leejiye
Sab kuchh toh hai yahan par ab unko pyaar se toh dekhiye
Aankhen band kar ke dekhiye aur unko phirse pyar keejiye
Na jaane kyun yeh sab dard milta hai mujhi ko jara sochiye
Shaayad tere takdeer mein yahi tha saajan ab nahin royiye
Laakhon taare hain aasmaan par lekin us chaan ko dekhiye
Kya mera chaand mujhe dekh raha hai yeh baat bataayiye
Kitni dukhon ke raaten beet gayi sabhi din bhi beet jaayegi
Agar jaati nahin unki madhur yaaden toh yaad kayse jaayegi
Lakhan ke liye yeh sab sahan karke aage baat kayse banegi
Saroj ke sahare aur unke yaadon ko leke yeh jindagi chalti rahegi.
Hakdaar Nahin Hai
Hamne dekha hai ki pareshaniyon se bhaagna aasaan hota hai
Lekin har bahadur vyakti ke liye mushkilen jindgi ki ek imtihaan hoti hai
Agar himmat haar jaawoge toh jindgi mein kuchh nahin paawoge
Par jab mushkilon se ladh padoge tab apne kadmon mein jahaan paawoge
Yeh baat bhi sach hai ki koi rishta naya ya purana nahin hota hai
Yeh bhi maan lo ki jindgi ka har pal hamare liye suhaana nahin hota hai
Ek baar mil kar phir se juda ho jana toh apni apni hi kismat ki baat hai
Par is jahaan mein har judaai ka matlab toh apne ko bhol jaana nahin hota hai
Kisi ke mushkil samay mein saath chhorne se unka samay nikal jaata hai
Par ham apni mushkil ghadi mein un se madat maangne ke hakdaar nahin hai
Jayse khokar kisi ko phir sey paane ka majaa hi kuchh aur hota hai
Wayse hi rokar phir sey muskurane ka majaa hi kuchh aur hota hai
Jayse is duniyan mein haar jeet toh yeh jindgi ka ek hissa hota hai
Wayse hi mere doston haarne ke baad phir jeetne ka majaa hi kuchh hota hai
Hamari Badkismati Toh Dekho
Jo mera jeewan saathi bana tha wo bhi mera sab din ke liye ho na paya
Ab unke bichhad jaane pe aankhon mein aansoo bhare toh main rob hi na paya
Jaate jaate unhon ne kaha tha ki ham tum se phir milenge khwabon mein
Par meri badkismati hai ki us raat main maare khushi ke so bhi nahi paya
Jab mera waqt badal gaya hai mere jindagi ke saath saath
Tab na jane kyun ab jindagi bhi badal gayi hai waqt ke saath saath
Ab toh mera waqt bhi badalta rahta hai mere kuchh doston ke saath saath
Bas ab mere kuchh dost bhi badal gaye hain waqt ke saath saath
Mere kismat pe mat hansiye kyunki ham bhi kabhi muskuraya karte thea
Chaahe ujaala ho ya andhera ho ham dono apne pyar ke diya jalaya karte thea
Ab hamari badkismati toh dekho ki usi diya ne jala diya mere ghar aangan ko
Jis chamakte diye ko ham sada hawa ke jhonkon se bachaaya karte thea
JAMAANE BEET JAATEN HAIN
Kabhi kabhi toh yeh nazren milane mein jamaane beet jaaten hain
Phir kabhi kabhi yeh nazaren churane mein bhi jamaane beet jaaten hain
Hamne jab apni aankhen kholi toh ek ajeeb si duniyan ko saamne paya
Jahaan ghar grihasti aur dost ko banane mein jamaane beet jaaten hain
Kabhi kabhi kaali ghataayen hamko kewal pal bhar ki lagti hain
Kabhi kabhi kewal ek hi pal bitaane mein jamaane beet jaaten hain
Kabhi kabhi jab ham apna darwaaja kholte hain toh saamne hoti hai manjil
Kabhi kabhi toh apne manjil ko paane mein jamaane beet jaaten hain
Kabhi kabhi ek hi pal mein toot jaaten hain umar bhar ke saare rishte
Yahan un rishton ko phir sey banane mein jamaane beet jaaten hain.
Naye Saal Ki Nayi Rachnaayen
Agar galey miloge tapaak se toh koi haanth bhi na milaayega
Yeh duniyan naye mizaaj ki hai jara samajh boojh kar chaliyega
Parmaatma hamko aysi aatma na dena ki apne siwa kuchh aur dikhaai na de
Aankh bhi hamko dena toh aysi dena ki kabhi koi bhi bura dikhaai na de
Milna kahin bhi mere dost toh kabhi katra ke kahin nikal nahin jana
Badalte mausam ke tarah mere dost kahin tum bhi na badal jana
Aap bhi shaayad akele ho meri tarah tanhaai toh hoti hogi
Din mein kho jaya karoge toh raat ko neend nahin aati hogi
Umar meri beet gayi ek achhe ghar baar aur mintr bananey mein
Par kuchh log taras na khaate hain lakhon bastiyon ko jalaane mein
Ab mere bagiche ke har gulab pe titliyan nahin aati hain
Jayse ab mere har rone par waysi siskiyan nahin aati hain
Ham hamesha unko yaad kar ke apne dil ko bahla lete hain
Lekin na jaane kyun unko aajkal hichkiyan nahi aati hain
KUCHH LAASH PAR TAAJMAHAL BAN JAATEN HAIN
Ham apne har doston se baat karna apna fitrat samajhte hain
Hamare har dost sada khush rahen yahi hasraten hamari hain
Chahe hamko koi yaad kare ya na yaad kare hamko fikar nahin hai
Par apne sabhi doston ko yaad karna ab toh hamari aadat hai
Jo log apne safar ki shuruat karte hai wo hi apne manjilon ko paar kar lete hain
Bas ek baar saath chalne ka hausala toh rakhiye achhe doston ka toh raaste bhi intjaar karte hain
Jindgi ko aajmana hai toh jeewan ke dhaar ke vipreet jakar dekhiye
Badi aandhiyan khud ruk jayengi mod legi raasta ek deepak jala ke dekhiye
Hamne dekha hai ki kuchh patthar mein bhi phool khil jaaten hain
Jayse kabhi kabhi kuchh anjaane log bhi apne ban jaaten hain
Dukh hai ki is kaatil duniya mein kuchh laash ko kafan bhi naseeb nahi hoten hain
Lekin hamne dekha hai ki kuchh laash par taajmahal bhi ban jaaten hain.
Aansowon Ko Aankhon Mein Panah Nahin
Koi bhi rishte ke liye kareeb itna raho ki us rishtey mein pyaar bana rahe
Agar door bhi raho toh itna hi raho ki aane jaane ka intzaar bana rahe
Har waqt itna ummeed rakho ki har ristey ke darmiyaan ek ehsaas bana rahe
Agar kabhi toot bhi jaaye ummeed toh us ristey ka bandhan bandha hi rahe
Rishta nibhana hai toh mat poochho logon ki sabr ki intehan kahan tak hai
Kisi par sitam mat karna kabhi pyaar karte rahna teri taakat jahan tak hai
Jis ko wafaa ki ummeed ho unko karne do hum ko toh kisi se bewafaai tak nahi hai
Dosti aur pyaar ayse nibhawo par yeh na dekho ki dushman jaalim kahan tak hai
Is jalim duniya mein har ek jazbaat ke paas zubaan nahi milti hain
Jayse hamare har ek aarzoo ko yahan sab din duaayen nahi milti hain
Jab apna muskuraahat banaye rakhoge toh duniya tumahe saath rahegi
Maatam ho jaaye toh aansowon ko bhi aankhon mein panah nahi milti hain
Meri Kavitawon Ki Ek Aur Sangraha
Aaj se pachpan warsh pahle unhon ne mere hanthaili par kuchh likha tha
Na kalam tha na siyahi thi apni ungliyon se kuchh ayse likh diya tha
“Mujhe tum se pyaar hai” jab likha tha mere hanthaili mein gudgudi laga tha
Aaj tak wo shabdh mitey nahin lekin unko mahsus karna bahut mushkil tha
Dua maanga tha ham ne ek aashiyaane ki lekin chal padi thi aandhiyan jamane ki
Aaj tak mere haalaat ko koi samajh nahi paya kyunki meri aadat thi muskurane ki
Un dino jab nazron se nazron ka takrar ho gaya har modd par unka intzaar ho gaya
Ab jab unka nidhan ho gaya tab dil rota hai jakham hota hai isi ko pyar kaha gaya
Dil kahta raha dimag samajhta raha unka chehra aankhon mein samaata raha
Unke jaane ke baad yeh aankhen unko dekhna chahti rahi par main tadapta raha
Jab unse mohabbat main karne laga tha kuchh sochne ke liye bachaa nahin tha
Na uljhan na koi diwaangi thi par unke jaane ke baad dekha toh kuch bachaa nahin tha
Hamare pyaar kie aanch se patthar bhi pighal jaate thea apne dil ki baat kya kahoon
Unka saath ek jannat tha jo mera naseeb hi badal daala ab judaai kayse sahoon
Mere pyaar ke raahon mein mil gaya tha sacha hamsafar ek baat aur kahoon
Mere jaysa girey insaan ka takdeer bana kar wo chali gayi ab main kya karoon
Ab mere duniyan mein na roshni hai, na koi chiraag hai na koi awaaz aur saaz hai
Bas ab unki parchhanyin aur unki aahaten hain yeh jindgi ab bahut neeras hai
Ab koi mujh se yeh na pooche ki mere sabr ki intihaan kahaan tak hai
Ay jalim jindgi tu ham pe khoob sitam kar le teri takat jahaan tak hai
Sukh ki ummeed jisko hogi unko hogi par mujhko dukh kahan tak hai
Ab toh yeh ham bhi maan lete hain aur unko bhi maan lena jaruri hai
Unke chale jaane ke baad aaj tak hamne ek viraan jindgi gujari hai
Ab toh betaabi hadd se jyaada badh jaati hai aur samay katna nahin hai
Unki madhur yaadon mein doob jaata hoon kisi ka sahara nahin hai
Jis waqt mera janaja aap ke gali se gujrega dosto koi fikar nahin karna
Apne jazbaat par kaaboo kar lena lekin darwaje se mera nazaara karna
Apne kalam ko kai baar rakh di hai kyun ki ab lafz nahin milta hai
Jisko dhoondh raha hoon itne dino se wo saks yahan milta nahin hai
Phir raha hoon wahi purane jamane ki talash mein lekin wo milta nahin hai
Taras raha hoon unke deedaar ke liye lekin ab wo bhi ab milta nahin hai
Ab hamko bhi pata chala hai ki mohabbat ke bhi bahut raaz hote hain
Mere in jaagti aankhon mein bhi ab na jaane kitne khwaab hote hain
Samajh mein aagaya hai ki yeh jaruri nahi kewal gam mein aansoo aate hain
Ab main jab bhi muskurana chahta hoon toh aankhon mein sailaab hote hain
Main ne yeh soch liya hai ki aansoo jo bah rahe hai unko ab bahne do
Yeh toh toote huye dil ki baat kah rahe hain inko bhi toh kah lene do
Bahut dukh se bhara hai mera jigar par isko apne tak hi rahne do
Mila tha bahut sukh mujhko unke pyaar mein par ab dukh sahne do
Mere dil ne kah dala apna haal ab mujhko apna daastaan kahne do
Koi sune ya na sune iska fikar kisko hai ab dil rota hai toh rone do
Sambhal jaawo Lakhan ab yunhi beasabab roya na karo
Unki judaai ko sahkar kabhi kabhi unke saath raha karo
Teri mehbooba ek ghazal ki sachi kitaab thi use yaad karo
Agar gana nahi aata hai toh chupke chupke padha karo
Tumko achhi lagegi geet sangeet aur ghazal suna karo
Jo suna nahin wo kaha karo jo kaha nahi wo suna karo
Sabhi badalta mausam unki yaad dilata rahega
Tumko unka saath hone ka yehsaas dilaata rahega
Chaahe shardi ho ya garmi yaad toh taaja rehega
Sab din tumko unka pyaar dil mein jagaata rahega
Raaton ko khamosh si baaten unka yaad dilayega
Aysa sab lamha tere dil ke ahsaas ko choo jayega
Ayse mein na jaane tu bhi khamosh kayse rahega
Yeh sab tera dukh ka kala baadal door hat jayega
Agar tu haar maan lega toh tera haar ho jaayega
Agar thaan le ki teri jeet hogi tera jeet ho jayega
Wo toh tera vywohaar hi hai jo teri chhabi doosaron ke mann mein banata rahega
Is ke jariye tu apne dukh door karega aur dusmano ko bhi apna banayega
Main kai baar apne dil ki tasveer banane ki puri koshish karta raha
Itfaaq mein ek din apne dil ki ek bahut hi sundar tasveer bana diya
Us mein ek chota sa darwaaja rakha lekin maine koi handle nahin lagaya
Poochhne par maine bataaya,” mere dil ka darwaaja ab andar se khulega” .
MAR JAAWUNGA TUMKO MANAANE KE LIYE
Jab hamne kalam uthaayi thi toh hamko uchit lafz nahi milta tha
Jab zikar mohabbat ki chhidi toh haalaat ne ek kavi bana diya tha
Pyaar mila ikrar hua phir judaai mili par ab toh unki hi khoj hai
Phirta hoon beete huye jamaane ki talaash mein jo kho gaya hai
Yeh ham bhi ganwaara karte hain aur unko bhi gawaara karna padega
Hans hans ke jo gujzari thi jeewan ab toh ro ro ke sahanaa padega
Jab unki yaad aati hai toh betaabi badh jaati hai neend na aati hai
Lekin jab doob jaata hoon unki madhur yaad mein toh sukoon milta hai
Jis waqt mera janaaza yahaan se niklega wo ek khushi ka maahaul hoga
Doston apne jazbaat pe kaabu rakhna kyunki hamara unse punar milan hoga
Abhi jo aansoo bah rahen hain unko main wayse bahne hi deta hoon
Yeh toh kah rahen hain mere dil ki baat inko kah lene deta hoon
Kya milaa hamko tumhe chaahne ke baad bas dukh hi sah rahen hain
Tumto sukh ki neend so rahi ho lekin mujhe apne daastan kahne hain
Tum shayad hansti ho wahan ab mujhko bhi yahan hansaane ke liye
Par kya tum bhi kabhi apne chaman mein roti hogi hamko rulaane ke liye
Tumto jayse rooth ke chali gayi ho ab main kya karoon tumhe manaane ke liye
Paas aake phir se rooth kar dekho main bhi mar jaawunga tumko manaane ke liye.
Laakh manaataa hoon apne dil ko par wo jalim maantaa hi nahin hai
Har pal tumko hi dhoondhata hai par ab toh tumhara koi pataa nahin hai
Bas tumhare yaadon ko liye jee rahen hain aur koi chaaraa nahin hai
Na hamko kisi ki jaroorat hai ab tumhaare jaysa koi nazaaraa nahin hai
2nd January 2015
TERE AANCHAL MEIN SAR CHHUPA LETA HOON
Jab praan tumhare tan se nikla kitna dukh diya tha tumne hamko
Tumhari yaadon ne hamko rulaaya, sataaya aur nirdhan kar diya hamko
Ab to baat bea baat meri aankh chhalak jati hai dil ro padataa hai
Tera diwaanaa apne chehere ko apne baajuwon mein chhupa leta hai
Yaad karta hoon ab na jaane kai baar din raat main lagataar tumko
Naam tera apne hathelee par likhtaa hoon aur phir mita deta hoon usko
Jab bhi koi tera zikr karta hai mera dil sheene mein cheekh padta hai
Aankhon mein aansoo aajaate hain aur sara badan kaamp uthta hai
Neend aati hai aur lakhon sapne laati hai jo dil dimag ko jalaati hai
Tere takiye ko apne seene se laga leta hoon jab teri yaad aajaati hai
Ho ke behaal chauk kar uthta hoon toh tere tasveer ko choom leta hoon
Koi poochhtaa hai haal mera toh main tere aanchal mein sar chhupa leta hoon.
AUR KISI SE KYA KAAM
Apne bageeche ke saare khiley phool tere hi naam kar diya hai
Yahaan ka har subhah ka pahela kiran bas tere naam kar diya hai
Tu meri yaad ki baheti dariya hai mere jheel ke kamal tere naam
Jitney bhi tere khwaab aate hain un sab ka har ek pal tere naam
Ab tere bina jo umar beet rahi hai us umar ka baaki hissa tere naam
Mere jine ka sahara teri madhur yaaden hain aur kisi se kya kaam
Tere saason ki har garam hawa ko mahsoos karta hoon har subah sham
Tu aaye ya na aaye main toh tera hi intazaar karta hoon har subah sham
Kisi se kya kaam jab maine apna sab kuchh niuchhaawar kiya Saroj ke naam
Bade besabri se intazaar karta hoon kab padaarpan hoga mera unke dhaam.