Rote Hain Ham
Jab unse mohabbat main karne laga tha tab sab uljhane door ho gayi thi
Jab se wo hamse door ho gayi toh meri sab uljhane waapas aane lagi thi
Dheere dheere sahane ki shakti batora tab se apne dil ko mana liya hai
Yeh jeewan ishwar ki amulye uphaar hai ab isko vyarth gawaana nahin hai
Maine jawaani mein dua maangi thi aashiyaane ki par chal padi aandhiyan jamaane ki
Ab mere gham ko kaun samjhega jab meri dildaar hi nahin hai saath nibhaane ki
Ab dil kaheta raheta hai aankh se Lakhan tum ab dekha karo kuchh kam
Unko dekhne ki chaahat se sada dukh hoga tadpoge tum tootega tera dam
Par aankh hai ki maanti nahin dil se kahti hai ki socho tum ab kam
Wo toh chain ki need so gayi hain tum kahte ho ki rote hain ham
Dil kahta hai ki ab apne ghamo ki is tarah yun numaaish nahin karo
Aankh kahta hai ki ab apne naseeb ki is tarah yun aajmaaish nahin karo
Dimaag kahta hai aanaa jaanaa is duniya ka dastoor hai soch nahin karo
Jo tera tha wo sada tera hi rahega usko paane ki khwaahish nahin karo