PYAR KI BAAT ADURI RAHTI
Aaj se aadhi sadi pahele agar do dil na milte to yeh prem Milan adhuri hi rahti
Mulakaat to ho jati jindgi ban bhi jaati magar pyar ki baat to adhoori hi rahti
Sukriya karoon main unke mere duniya mein aajaane se meri raunak badh gayi
Meri duniya soonsaan rahti aur meri pyaar ki mehfil to aaj bhi aduri hi rahti
Mere rishte ko pawitra roop diya aur mere dukh dard ko apnaa kar chali gayi
Mere ghar ke diwaaron pe lagi unki manbhawan tasveer gar mere saamne na rahti
Mere in taraste aankhon ke sabhi aansoo bahate rahte aur dil mein badi dard hoti
Mere is najuk dil mein agar unka jigar na dhadakta to unse itna mohabbat na hoti
Saath unka kabhi na chhotata hamaare mann mandir mein aaj bhi chaman hoti
Denewale ne khoob pyaar diya aur phir le bhi liya na jaane wo aysa kyun kiya
Hamare do dil na milte to yeh pyaar ka bandhan adura rahta yeh toone kya kiya
Aadhi sadi pahele gar Saroj aur Lakhan na milte to yeh prem Milan adhuri rahti
Mulakaat to ho jati jindgi ban bhi jaati magar pyar ki baat to adhoori hi rahti
14th March 2015
NA MILEGI AYSI MEHBOOBA
Kya bataawoon kya kya hua mere is jindgi ke saath
Unse mila khushi mili phir choot gaya unka saath
Chaand sa chehra tha unka dil mein pyar bhara tha
Aankhen thi laajawaab aur julf unka ghatawon sa tha
Koyal si unki boli thi badan pariyon se achchi lagti thi
Chaal haal aur dhang hiraniyon se bhi achhi lagti thi
Jab unke aankhon se kaliya khile aur aanchal lahraye
Dekhe jo mor unki in adaawon ko to naachna bhool jaye
Pachpan saalon se yeh pyar hamko bekhud bana rakha tha
Unke jaane ke baad ab bikhar gaya sab jo saja ke rakha tha
Un aankhon ke chhlakte jam ko ab dekh nahi sakta main
Tasveer unki dekh kar ab apne dil ko bahla leta hoon main
Itne sunahare yaaden hain ki unko bhoolna namumkin hai
In yaadon ko liye ab jee raha hoon aur koi chaara nahi hai
Intazaar us din ka hai jab ham bhi yahan se chale jaayenge
Unse phir se mil gaya jo to apne tadapte dil ko manayenge
Kudrat se dua karenge ki phir kabhi kisi se aysa pyar na ho
Na phir milegi aysi mehbooba jiske liye mera dil tadapta ho.