![Free-eBooks.net](/resources/img/logo-nfe.png)
![All New Design](/resources/img/allnew.png)
PREFACE
Pichhle chhattees (36) mahino mein hamne jitne bhi sachhaiyon ko apne Saroj ke baare mein likhe hain aur apne aap beeti kahaniyon thatha kavitawon ko racha hai unki ginti karma mushkil hi nahin par namumkin hai aur aasaan nahin hai.
Laakhon shabdon ko hamne na jaane kitne pannon par bikheraa hai jinko padhne walon ke paas shayad hi utna samay kabhi milega jitney lagan aur dilchaspi se hamne inko racha hai. Phirbhi main ek niji aasha aur dil ki armaan lekar apne in rachnaawon ko bade shauk se racha hai.
Aasha hai ki kabhi na kabhi koi in sab ko padhega aur in sab ki keemat ko sahi taur se gunnega ki pawitr pyaar kise kahten hain. Jo hamari rachnawon ko padh kar bhi yeh na samjhega usko main maaf is liye kar dunga ki wo sab pyaar ke illam mein anaariyon hi ginne jayenge.
Jo log inko padh kar hamare pyaar ki sarahna karenge unko ham badhaai dena chahenge. Jin logon ko hamare rachanayen nahin achhe nazar aaye hain unko ham phir se ek do bar padhne ki salah dete hain taaki hamare jigar ke cheekhon aur prem ke pradarshan unko samajh mein aajaaye.
In rachnawon ko padhne ke baad yeh to jahir hi ho gaya hai ki Saroj aur Lakhan Ka Pyaar sada amar rahega. Main apne pyar ko Radha aur Krishn ke prem se milaan nahin karta hoon lekin Heer aur Ranzha, Laila aur Majnu ya Romeo aur Juliette hamare pawitr pyar ke aage sab feeke pad jaaten hain.
Aap mein se bahut log ayse honge jo hamaare pyaar se waakib honge is liye ham apne khaas lekhak ki panktiyon se apne rachna ka ant karta hoon.
‘Ham kuchh hans ke seekhe hain
Ham kuchh ro ke seekhe hain
Jo kuchh bhi seekhe hain
Bas unke ho ke seekhe hain.’
@
Aaj meri jindagi is kadar betaab na hoti
Agar tum mere is jindagi mein hoti
Mere suhaani duniya barbaad na hoti
Pyaar ki meri aysi kahaani bhi na hoti
Main khush rahta aur tum khushi hoti
Lakhan barbaad na hota Saroj sukhi hoti