Mere Dilwar Ki Duwaayen
Aaj kal inn dukh bhare raahon mein bhi yeh safar aasaan lagta hai
Jahir hai ki yeh sab mere bichdey dilwar ki duwaawon ka asar lagta hai
Main ne jabse unko apne man mandir mein basaya tha safar rangeen lagta tha
Unke hi kar kamalon sey aasmaano sey bhi ooncha yeh mera sar lagta tha
Ek khush haal jahaan mein umar gujari thi wahin har kadam pe unka saya lagta hai
Unke chale jaane ke baad ab unki tasveer laganey sey mera yeh ghar ghar lagta hai
Unke chhatr chhaye mein toh Lakhan kaanton ko bhi seeney sey laga leta tha
Lekin ab toh agar koi phool bhi deta hai toh usko chhoone se usko dar lagta hai
Un dino kewal ek saks thi jo hamari har toote huye alfaaz ko samajh jaati thi
Ruksat ho gayi hai meri mehbooba toh ab kisi ko meri baat bhi samajh nahi aata hai
Kya karoon honi ke aagey ghutney tek kar dil mera ab rone lagta hai
Is sansaar mein sada din sey hota wahi hai jo bhagwaan chaahata hai
Aaj kal mere inn viraan raahon mein bhi yeh safar aasaan lagta hai
Lakhan tu chalta chal jab tak tere Saroj ka duwa tere saath rahta hai
YEH MAKAAN HAI DIWAAR KE BAGAIR
Sara jahan ab toh uddas lagta hai unke pyaar ke bagair
Kayse ab yeh jindgi chale mere khoye huye yaar ke bagair
Is jahan mein yaro yeh mohabbat bhi kitna anokha maamla hai
Apne pyaar ke bagair ya apne khoye huye yaar ke bagair
Ab phoolon ke bahaar mein hamko rakh bhi diya toh kya hai
Yeh ujada ghar aur uddas daaman kayse rahe pyar ke bagair
Kisi ko fursat miley to aake jara poochh toh le mera haal kya hai
Ab toh Lakhan ji raha hai yahan apne Saroj ke pyar ke bagair
Unse bichhad ke apni jindgi betaab ho gai aur dil toot gaya hai
Yeh makaan to hai par yeh mauzood hai diwaar ke bagair.