Samay Chalta Raha
Tum Yaad Aati Rahi
Samay chalta raha aur yeh nazuk dil jalta raha
Par nahi aap aaye aur na tumhara sahara raha
Tumhari yaad aati rahi aur is dil ko dukhati rahi
Diwaaron pe lagi tasveer hamko roj rulaati rahi
Tumhare jaane ke baad ab koi hausla hi na raha
Jo bhi chah tha wah sab ab dil hi mein rah gaya
Din mein hasta hoon toh raat mein ro leta hoon
Aankhon mein jo aansoo aaye toh pee leta hoon
Mujhko samajhne wali na rahi toh ab kya karoon
Is dil mein chhupey fasaane kisko sunaya karoon
Kahaan sey sukoon laawoon jo sukoon de hamko
Tumhare aanchal ka lahar nahin milta hai hamko
Un sabhi sunahare lamhon ki bahut yaad aati hai
Tumhare Lakhan ko uski Saroj ki yaad aati rahti hai
Samay chalta raha tumhari madhur yaad aati rahi
Kayse bhoolenge un yaadon ko jo dil ko jalati rahi