Toledo, con letras de omes buenos de la tierra, entestimonio como non podie aver derecho ninguno de aquel Infançon deltuerto que le fazie. E quando el Emperador esto oyó, llamó sus privadosde su camara, e mandoles que dixessen a los que veniessen a demandar porél que era mal doliente, e que non dexassen entrar ninguno en su cámara,e mandó a dos cavalleros mucho en poridad que guissasen luego suscavallos e yrien con él. E fuesse luego encubiertamente con ellos paraGalizia, que non quedó de andar de dia nin de noche: e pues que elEmperador llegó al logar do era el infançon, mandó llamar al merino, edemandol que le dixesse verdad de cómo passara aquel fecho. E el merinodixogelo todo. E el Emperador, despues que sopo todo el fecho, fizo susfirmas sobre ello, e llamó omes del logar, e fuesse con ellos, e parósecon ellos a la puerta del Infançon, e mandól llamar que saliesse alEmperador que le llamava. E quando el Infançon esto oyó, ovo gran miedode muerte, e començó de foyr, mas fue luego presso, e aduxeronle ante elEmperador; e el Emperador rrazonó todo el preyto ante los omes buenos, ecomo despreciara la su carta, e non feziera ninguna cosa por ella, e elInfançon non contradixo nin respondió a ello ninguna cosa. E elEmperador mandól luego enforcar ante su puerta, e mandó que tornasse allabrador todo su heredamiento con los esquilmos. Entonces el Emperadoranduvo descobiertamente por toda Galizia, e apaziguó toda la tierra, etan grave fue el espanto que todos los de la tierra ovieron por essefecho, que ninguno non fue osado en toda su tierra de fazer fuerza uno aotro. E esta justizia, e otras muchas tales como esta, fizo elEmperador, porque era muy temido de todas las gentes, e vivíe cada unoen lo suyo en paz." Crónica general, edición de Ocampo, Valladolid,1604; folios 327 vto. y 328.
