Mere Saroj Devi ki jindgi kahin phoolon
sey saji thi toh kabhi wo kaanton par bhi
chali thi. Jo bhi tha wo apne jindgi sey
apne nidhan sey kuchh pahle bahut pyaar
karti thi aur parmaatmaa mein unka
vishwaas atal tha. Lekin jab unko dil ka
138 Dr Ram Lakhan Prasad
Love Is Fire Love Is Flame
daura pada tab sey wey badi laachaar ho
gayi thi aur unhon ne jeene ki sabhi chah
sey door hone lagi thi.
Kai baar jab ham apne lekh karne baithtey
thea toh kabhi hamarey lekh kavita ban
jaatey thea toh kabhi kalpit kahani bana
detey thea. Jo bhi hota tha wo hamaarey
niji vichaar hotey thea. Inhi romaani
samay mein meri Saroj ne mujh sey na
jaaney kithey hi apne dilki baaton ko
bataaya karti thi. Unke ujjwal antar
aatmaa mein na jaaney kitney sundar,
achhey aur sachhey vichaar bharey rahtey
thea.
Apne vivah ke chaalis varshgaanth par
unhon ne hamse apne pyaarey shabdon
mein bataya tha ki wey apne jeewan kaal
mein na jaane kitney rishton ko
nibhaaney ki koshish karti rahi lekin na
139 Dr Ram Lakhan Prasad
Love Is Fire Love Is Flame
jaaney unko aysa kyun lagta tha ki wey
apne kisi bhi rishtey ko bhali bhaanti
nibha nahi saki thi. Unko iska bahut dukh
tha. Main unke sabhi annye baaton sey
sahmat tha par unka yeh vichaar kewal
unka bhram tha.
Usi samay main ne apney jordaar shabdon
mein unko bataya tha ki aysi koi baat nahi
hai kyonki wey ek ati uttam putri thi, ek
bahut safal vidyarthi thi, ek bhaktimaan
sakhi thi, ek pyaari bahen thi, phir ek
priyetam patni bani aur jab wey ek
mamtaa sey paripurna maa bani toh wey
ek behadd bharosey daar naani aaji bhi
ban kar apne sabhi naati potton ka dil jeet
liya tha. Par mere sabhi aaswaasan ke
bawajood bhi meri Saroj ke mann mein iss
Vishay par bahut maleenta thi jisko wey
mere saamney baar baar prakat karti rahi.
Mujhe na chahtey huye bhi inn sab ko
sunna pada tha.
140 Dr Ram Lakhan Prasad
Love Is Fire Love Is Flame
Meri pyaari Saroj kahti rahi aur main
chupchaap suntaa raha aur phir karta bhi
kya kyon ki unke shabdon mein utna
mithaas rahti thi. Unka kahna tha ki jab
wey ek paawan aur sulakchhan putri ka
farz adaa karti rahi tab unko laga tha ki
unke sabhi karkamalon ko kisi ne purey
roop sey samajh hi nahi paya tha aur wey
ek adhoori beti ban kar rah gayi thi. Unko
yeh jaan kar bahut dukh hota tha ki wey
apne pujye maata pita ko purey roop sey
khush nahi kar saki thi ki unki shaadi ho
gayi thi.
Apne shaadi ke baad na toh wey apney
saas sasoor ki khushi ban saki aur na hi
apne College ke priyetam pati ki purey
roop sey ardhangni hi ban paayi thi. Unko
lagta tha ki wey apne laakh koshishon ke
baad bhi ek adhoori patni hi rah gayi thi.
141 Dr Ram Lakhan Prasad
Love Is Fire Love Is Flame
Wey apne pati ki sabhi maangon aur
chaahaton ki bhali bhaanti purti nahi kar
paayi thi thathaa iss ke liye unko bahut
dukh dard hota raha hai.
Jab unhon ne apne chaar honhaar bachon
ko payda kar ke un ka sahi parwarish kiya
tab bhi unko aysa laga ki wey ek achhi
maa bhi nahi ban paayi thi. Naani aaji ki to
baat chor hi do lekin wey ek safal
vidyarthi hote huye bhi apne jeewan mein
koi khaas safaltaa nahi paa saki thi. Yeh
un ka anumaanit kathan tha jisko main ne
kabhi bhi maanney ke liye tayyar nahi tha
aur lagataar inkaar karta raha aur unka
sahi sthaan Prasad Pariwaar mein
dikhaataa raha. Saroj mere pariwaar ki wo
jabardast sila ya khoonta thi jis par pura
pariwaar bharosa liye aage chalta raha.
Ham sab us puneet aur pawintr devi ki
142 Dr Ram Lakhan Prasad
Love Is Fire Love Is Flame
sada araadhana aur pooja karte rahe aur
abhi bhi karte hain.
Main ne unse shaayad hazaar baar kaha
tha ki un ki jeewan mein sabhi bhi safalta
aur karam bejodh rahi hain jis ka koi
barabari ya mukabla hi nahi hai. Wey ek
ati safal adhyapika thi aur teen
vishwavidyalayon sey kai digree kar ke
sab ko dikha diya tha ki wey kitni
hoshiyar, kushal aur nipurna vyakti hain.
Kai ati uttam high school ki Head of
English ka pad safalta purwak nibhaya tha
aur phir ek senior lecturer ban kar na
jaane kitne naye adhyapak adhyapikawon
ko tayyar karaaney mein apna sahyog diya
tha. In sab ka kewal ek hi matlab tha ki
wey ek ati safal aur honhaar vyakti thi.
Inn sabhi maayushiyon sey unke vajood
aur saksiyat par bahut gahera chot
pahucha tha tab unhon ne hamse kaha
tha ki wey apne jeewan ke kuchh antim
143 Dr Ram Lakhan Prasad
Love Is Fire Love Is Flame
ghadiyon mein kewal ek saadharan aurat
hi ban kar rahna chahti thi. Unke liye
sabhi rishte naate jhoothe aur swarth sey
bhare deekhney lage thea. Wey dharma
ke sabhi paakhand ki bade jordaar
shabdon mein khandan karne lagi thi.
Unko wahi log achhe lagtey thea jo sabhi
shubh karam kar ke apna jeewan nirwah
karte thea. Wey apne jeewan ke antim
teen saalon mein sabhi pyaar mohabbat
ko banawati samajhne lagi thi aur ek
sanyaasani ka roop lekar jee rahi thi.
Unke iss vyaktigat ikchha sey ham
santusht toh nahi thea par unka kadar
karna hamara farz ho gaya tha. Main
unsey usi tarah bahut pyaar karta raha
par hamara unsey
koi shaareerik
sambandh nahi rahata tha. Yahi unki
antim ikchhaa thi jisko main ne nibhaanaa
uchit samjha tha.
144 Dr Ram Lakhan Prasad
Love Is Fire Love Is Flame
Lekin apne nidhan ke ek do din pahle
unhon ne kaha tha ki unka astitwa yahi
kahne laga hai ki wey ab ek achhi aurat ka
farz bhi nahi adda kar paa rahi thi is liye
unko ab iss duniya ko chorney ka samay
aa gaya tha. Yeh sab sun kar mere dil aur
dimag par jayse bijli gir padi thi par main
unko samjhaataa raha ki ayse bebuniyaad
vichaaron sey koi fayda nahi hoga aur unki
sewa hi hamare bachi jeewan ka aadhaar
tha.
Jab unhon ne yah kaha ki ab main kya
karoon tab main ne us din bahut laachaar
ho ke unse yeh kaha tha ki Darling, aap
mein koi khot nahi hai aur kewal mere liye
hi nahi par mere sabhi bachchon ke liye
aap ek mahaan lakhmi, maata, aaji, naani
hain aur mere liye ek ati sushil aur sundar
saubhav ki sati savitri patni rahi ho. Aap
mein kabhi bhi koi kami nahi thi, aur na hi
rahegi kyon ki aap ka sahi roop saraswati
145 Dr Ram Lakhan Prasad
Love Is Fire Love Is Flame
devi aur lakhsmi devi se bhi uttam rahi
hai. Kami aur khot toh ham mein thi.
Meri inn baton ko sunkar unke chehre par
ek vyangaatmak muskaan aa gaya tha aur
wey mujhe wahi bhav purna pyaara sa
aalingan de kar apne kamre mein soney
chali gayi thi. Doosre din subah saat baje
snaan karne ke baad jab wey mere paas
apne kapde pahanney ke liye chali to wey
mere baahon me apni dam todd di thi.
Main ek dam sey bikhar ke tadap ke rah
gaya aur aaj bhi unke madhur yaadon ko
liye kisi tarah ek jinda laash ki tarah jee
raha hoon. Shayad yahi mere aseem
pyaar ki saja hai ki main sesh jeewan iss
kaid aur aag mein jalta rahoon.
Sab sey bura baat unke liye yahi raha ki
unke antim teen saal mein mujhe unki
sewa karne ka awsar prapt huwa tha. Wo
146 Dr Ram Lakhan Prasad
Love Is Fire Love Is Flame
aysa kabhi bhi nahi chaahti thi kyon ki yeh
unke liye patiwarta ka ulanghan tha. Main
ne unse baar baar kaha tha ki jab wey
hamaari sewa pichle pachaas saal sey
karti aayi thi toh mera ek do saal ka sewa
ek bahut maamuli sewa hai aur hamare
liye bade fakr ki baat hai.
147 Dr Ram Lakhan Prasad
Love Is Fire Love Is Flame
WHO WAS SHE?
She was my strong raft in the rapids of my
life
She was my only peace in the midst of all
strife
She was the needed shore to shipwrecked
soul
She was the strongest bridge to my life-
long goal
She was the greatest finish of an adorable
run
She was the only shine when there was
no sun
She was my rope to hold when I started to
fall
She was my beloved wife and she was my
all
She was my Pretty Lotus of my lovely
pond
She was my angel whose memories are
fond.
148 Dr Ram Lakhan Prasad
Love Is Fire Love Is Flame