![Free-eBooks.net](/resources/img/logo-nfe.png)
![All New Design](/resources/img/allnew.png)
KAYSE BATAWOON
MAIN?
Kaise bataaoon main Mere liye Wo kaun thi?
Wo mere dhadkanon ka geet thi
Mere Jeevan ka sangeet thi,
Wo Meri zindagi meri bandagi
Meri roshni Meri taazgi thi,
Wo Meri har khushi Mera pyaar thi,
Wo meri preet thi mera manmeet thi,
Ab mere ankhon mein hain wo yaadon mein
hai,
Saanson mein hai aur aahon mein hai,
Neendon mein hain aur khwaabon mein hai,
Ab wo meri har baaton mein hai
Wo mere din raaton mein hai.
Wo mere subaah mein bhi shyaam mein bhi
hai,
Wo ab mere soch mein mere khushi mein hai,
Mere liye paana bhi wo mere liye khona bhi wo
hai,
Mere liye hasna bhi wo mere liye rona bhi wo
hai.
Ab to wo hi mera jaagna aur sona bhi hai,
Jaaoon kahin dekhoon kahin wo hi wo vahin
hai,
Kaise bataaoon ab unke bina mera kuch bhi
nahin hai.
Kaise bataaoon main Mere liye wo kaun thi?
Wo jo unka roop tha wo mere zindagi ki dhoop
thi,
Chandan sa badan tha jiski mahek meri
wazud thi,
Chaal unki wo nadi si thi jo aaj bhi bahti hai
yahin.
Unki shokhiyaan aur mastiyaan hawaaon se
mili thi,
Zulfein ghataaon se mili thi
honton mein kaliyaan khilti thi, Aankhon ko
jheele mil gayi thi
chehre mein simti chaandni thi, Aawaaz mein
thi raagini sheeshe ke jaisi ang thi,
Phoolon ke jaisi rang thi nadiyon ke jaisi chaal
thi.
Kya husn tha kya haal tha wo jism ki
rangeeniyaan,
Jaise hazaaron titliyon ki udaan thi.
Baahon ki wo golaaiyaan
aanchal mein wo parchhaaiyaan,
Wo sab najariyaan ab hain mere khwaab ki,
Kaise bataaoon main Haalat dil-e-betaab ki,
Kaise bataaoon main wo Mere liye kaun thi?
Mere liye wo mera dharam thi mere liye wo
imaan thi,
Wo hi meri ibaadat thi wo hi meri chaahat thi,
Wo hi mera armaan thi wo hi mera sansaar
thi,
Mere har pal ke liye wo hi to wo tasveer thi,
Wo ab meri taqdeer hai jo meri dilgeer thi.
Wo hi sitaara hai mera wo hi mera nazaara
hai,
Har dhyaan mein mere hain jaise mujhe ghere
hain.
Purab mein wo pachhim mein wo,
Utar mein wo dakshin mein bhi wo hai.
Saare mere jeevan mein wo har pal mein wo hi
wo hai.
Mere liye rasta bhi wo mere liye manzil bhi wo
hai.
Mere liye saagar bhi wo mere liye saahil bhi
wo hai.
Main dekhta bas unko hi hoon main sochta
unko hi hoon,
Main jaanta bas unko hi hoon, maanta bas
unko hi hoon.
Ab wo hi meri pehchaan hai wo hi meri jahaan
hai,
Kaise bataaoon main mere liye wo kaun thi?
Saroj Devi thi wo mere liye wo meri Sati Savitri
thi,
Mere liye wo meri Laxmi thi, Saraswati thi
Gayatri thi,
Kaise bataaoon main wo mere liye aur kaun
thi?
Kaise bataawoon main?