Swarg Mein Pati Patni
Ka Samwaad
Praan priye main teri Saroj hoon
Swarg mein main ab rahti hoon
Yeh hamaara punar milan hai
Bichhade huye dil mil gaye hai
Tumse fir mil kar khushi huyi
Mere saburi ki majuri puri huyi
Aa gaye ho tumhaara intzaar tha
Pata hai ki dil kitna bekarar tha
Jab mera baalam yahan nahin tha
Mere saath kya kya ho raha tha
Aankhen band karke main so rahi thi
Log kahten hain ki main ro rahi thi
Unko kayse samjhawoon main
Ki ro kahan rahi thi main
Wo to mere andar ka sailaab tha
Jo uthal puthal kar bah raha tha
Duniyan ko to yeh pata hoga
Nidhan ke baad laas na rota hoga
In aansoo mein tasveer hai aapki
Ro deti to kho deti tasveer aapki
Mere pritam aap bolte kyun nahin
Mere asqon ko ponchhte kyun nahin
***
Mujhe to ajeeb ghabrahat ho rahi hai
Yeh dimag shayad sapna dekh raha hai
Pata hai jab tum yahan chali aayi thi
Log bole jo chale jaate wo lautate nahi
Tu lautegi yeh mujhko yakeen thi
Tu mera pyaar thi aur jajbaat marte nahi
Yeh hakeekat ho ya fir ek sapna hi sahi
Ham aakhir mil to gaye kahi na kahi
Main ne tujh se dil hi tha maanga
Par tu ne to apna jaan hi de diya
Main aagaya hoon tere paas jaana
Sab apna pyar aur dulaar ko liye.
